top of page
工作流程
搵我地去傾下，我地通常會到你現場睇睇，聽下你有咩野基本嘅需要。
1
2
咁我地會返去畫下圖，爆下idea，發掘下你間屋有咩potential，睇下可以點樣將我地既idea同你個單位結合成為你嘅dream house。
3
3
我地首先會準備一份平面圖去同你地傾。之後我地會講下對你嘅單位有咩睇法，同你講番我地會用咩approach去做哩個project。我地仲會有一份初步嘅 budget 畀返你，咁就可以傾埋價錢上有咩意見，睇下需唔需要加減工程嘅範圍。
4
咁當你決定左搵我地做嘅時候，我地就會正式同你開個檔案，我地會收少少訂金去做深化設計嘅工作。
5
5
深化設計嘅過程我地會約你定期見面，每一次見面都會同你傾下最新嘅設計，會有平面設計圖，細節圖同埋當然會有3D 嘅效果圖啦。最重要嘅係，我地都會更新番個大概嘅工程費用，咁就一定唔會失預算啦。
6
去到設計嘅尾聲，好多時就已經可以開工。工程費多數會分三至四期。
7
工程做緊嘅時間我地都會不停咁更新客戶，有咩要即時現場改嘅都會通知客戶
8
完工後會有一個月時間嘅保養期，如客戶發現間屋有咩問題，我地就會安排師父上嚟執漏。
9
執漏滿意後咧，就會收埋最後工程嘅10%。咁就大工告成啦！
bottom of page